梧桐山北路-好漢路-凌雲道-羅湖

今日去梧桐山。本來右膝頭哥痛，唔想行。聽日又要行。不過尋晚睇到天氣不錯。唔去好可惜，就去多一次啦。講明來回行車路，咁就易啲。
搭巴士過文錦渡。

過左關。見人少，就去搞E-道過關。先上二樓。攞張飛。冇人排。

等左一陣。問左個警察。佢話喺大堂等。等左一陣，聽到有人嗌唔知幾號窗。睇勻大堂都冇辦事窗口。又問個警察，佢叫我敲門。我唯有敲。跟住入面啲人開門叫我入去。仲話佢見我走黎走去。我點知要敲門入去？裡面有兩個女警。一個坐喺房，食緊野。另一個處理申請。俾左張回鄉證佢，佢打左一陣野，跟住按兩隻手指公。然後我除低眼鏡，對住個鏡頭一陣。簽個名。搞掂。我問佢今日出關用唔用得，佢話要廿四小時。

又係過沿河南路，搭M445路巴士去橫排嶺總站。

我地坐單位。原來係俾老弱傷殘坐嘅。

今次早幾個站落車。

行吓呢條村。好寧靜。

下次喺呢個站落車喎

一穿出去，就係牌坊。照例去廁所，影牌坊。

 沿車路上山。呢條路叫梧桐山北路

今日膝頭痛，唔行呢啲路，一心行大路。今日右腳仲帶左護膝。

今次記得睇吓呢個牌。

上次落去水庫嘅路口。

上多一陣，又有一個路口。原來早前泰山澗步道喺呢度右面橫過，再喺左面落去。

真係仲有排行。有好多「之」字路，兜來兜去。

喺呢度睇到我地上次行「百年古道」嗰條脊。個谷應該係泰山澗。

唔怪得上次行得咁辛苦。條脊真係好斜。

又一個小休地點：風鈴報春

呢棵五月茶。

又一條分义路。地圖冇嘅。

有「之」字路，就有偷雞路。

「梨花憩」在手臂彎位。但唔見梨花。

又一條偷雞路

有牌就有偷雞路

望到大梧桐。真係高好多。要上大梧桐真係有排行。

就快到啦！到呢度，啱啱行左一個鐘！

同行有隊行山友，四個女人跟住我地一齊行。佢地行呢條捷徑，但都唔夠我地快。

冇乜樹蔭，都快到山頂分义路。

出現一個亭，唔知叫乜

對面大梧桐，真係高好多。

我地先去好漢路，睇吓好漢坡。

呢條路邊種滿杜鵑。不過都係一般種植嘅華麗杜鵑。

遠處有啲建築。不過未到好漢坡。

原來呢度叫蝴蝶谷。我地冇入。不過幫襯個廁所。

上大梧桐嘅路。

到了。邊度係好漢坡呢？

有一個大廣場。

我食左一塊麵包，就自己上呢個山坡。

山坡下仲有一個大觀景台。

哦。原來好漢坡唔係顏叔講嘅，係一條好窄好窄嘅山脊。 不過佢講好窄嗰度喺邊呢？係唔係喺上面呢？

一於走上去睇吓。呢度有兩條平行嘅石級。我行左手面嗰條

上左小小，好辛苦。行返落去幾十級。不過又唔忿氣。又再上。

上左一半左右啩？行過去右手邊嗰條石級。行上幾級

嘩！原來有成千幾米。咁辛苦都係行左二百。都係走返落去。

做唔成好漢。

返番落黎，食多兩塊麵包。

成日話有條路喺另一邊去電視塔。喺呢度蝴蝶谷有條路，咁就試吓啦。

呢條十里杜鵑要上山。梗唔上。行側邊嗰條。

行左一陣，睇吓個地圖，呢條路唔係去電視塔，而係落山。又走返轉頭。

一路行返去十字路口。

返番去十字路口，轉左去電視塔。先去睇吓個紅塔。原來叫「鳳凰臺」

以為要俾錢入去。原來唔係。

塔下都幾好風景。

上得去嘅，咁我就上去。

景觀一流！

落返黎。條樓梯生锈，有啲驚。

繼續去電視塔。

呢個台冇乜野睇，景觀唔夠鳳凰臺咁靚。

終於黎到「深圳電視塔」

睇完落山。要過去另一邊。對正紅花嶺。

背後順光，個電視塔好靚

佢話呢個茶館好貴。

我地冇睇呢個牌，照前行去「另一條路」落山。

去搵另一條路

睇吓個地圖，我話地圖冇條路。於是返轉頭。睇返個牌，又真係有條路喎，叫登雲道。不過既然返左轉頭，就行返佢上次行過嗰條啦。

落左幾步，佢先至話條路好斜，幾乎得半級，要扶實至得。仲話畏高會好驚喎。不過都落左黎咯，照行啦。

真係好斜。

直落咁滯。我就坐喺度，用手襟住後面喺級，坐落去。

後面有一男一女一齊落。佢地由另一條上，呢條落。佢地話另一條好行好多。

落晒最斜嗰段，望返轉頭。

喺呢度，我同個男仔傾吓。佢原來係湖南人長沙人，喺長沙大學畢業。

落到大路。轉右。

唔阻住佢地。分開行。

睇地圖，呢條叫梧桐山南路。

出到路口，轉右。入左油站，穿過去。巴士站就喺出口。搭左巴士去羅湖

搭巴士去搵大家樂食野。平啲喎

經過蓮塘口岸。

另一條「國際橋」

落車