深圳人民公園-海岸城-蛇口萬象城-深圳灣公園

今日上深圳，去口岸做自助過關認證。去落馬洲過關。

去到落馬洲過福田。原來搞e道個counter要十點至辦公。咁即係要等一粒鐘。唯有出閘。

去人民公園睇花展。人民公園近東門。出左口岸，去隔離坐203巴士去人民橋。

行前小小，真係有條橋。過左橋。

轉左行落去，見到火車路喺左手邊同條街平行。咁咪即係建設路？

經過老街站。即係1號線既站。

建設路同人民公園路係同一條路。沿建設路北行就變成人民公園路

人民公園好大。以前呢度有個大門入口。原來呢度係兒童遊樂場。

呢啲廁所真係冇期望。

原來南面係一啲康樂設施場地，好似游泳池咁。當然都屬於人民公園。

問吓人，原來花展喺北面，要出返人民公園路，直行轉右喎。

過埋深圳迎賓館，先至到門口。

見到好多花，到花展場地卦？冇乜點細心睇，行左個圈，叫做每個花圃都影過。

出黎先至友省起，月季花展喎？點解係玫瑰呢？以為月季即係玫瑰，返黎查網頁，至知月季似玫瑰，其實有分別。睇完去蛇口飲茶啦。十點半咁早。都冇乜地方好去。咁就去老街站，搭3號線去福田。

去到福田再轉11號線去后海。又上海岸城稻香。

食完去火箭嗰度。嗰度係萬象城，幾月前至開幕。

行過去海德三道。

直出去就係。

地下有風鈴木。行埋去商場，就見上面二樓似圖書館。我估都係書店

商場好新。

跟住睇吓地圖，話不如行去深圳灣口岸走人，仲可以睇吓可唔可以直出海邊嘅深圳灣公園。

原來出面係人才公園。

一路行公園出去海邊個深圳灣公園。深圳灣公園可以一路通去紅樹林，又可以去到口岸。睇地圖，去到日出劇場，知道已經行過左口岸，要行返入去。

穿過停車場。

橫過望海路

轉右沿望海路行，搵個路口轉左入去口岸。

橫過呢條路就到。

終於去到深圳灣口岸。上去整左個e道認證。

搭B3X返屯門。