今朝上深圳。搭火車。到站嘅係去落馬洲，咁就去落馬洲啦。仲好。諗住去8號倉，啱晒。過關坐10號線上光雅園仲快。福田個關口就真係煩，人又多，轉來轉去都未到X光機位。X光機又開得少，得兩架，後來至加一架。真係轉到火滾。以後免得過唔由落馬洲上。
十點九過左關，出黎去搭10號線上光雅園。
一點鐘左右掃完貨，食完飯。出去民康路搭巴士去地鐵站。一出去就有M342到站。唔清楚去邊度，冇上。因為只記住M521線。再睇清楚個站牌，原來有巴士去五和地鐵站。有三條線：M156、M342、M521都得。去五和地鐵站仲好，直接搭5號線，唔使去光雅園搭10號線轉。睇完站牌，M156到站。M156去"五和地鐵站北"，唔係"五和地鐵站"。都係一樣啫。行小小路。再睇清楚，可以喺"四季花城"落車，"四季花城"都有五和地鐵站入口。
架巴士冇人。後來至有兩個客
喺"四季花城"站落車。一落車就係地鐵站入口。
行落去。原來係個商場"太禾匯"。穿過太禾滙至到地鐵入口。喺5號線地鐵企左成半個鐘以上。一點十分落巴士入站，一點五十二分至到"寶華"站。足足十三個站。
睇左微信"灣區之眼"介紹，記得係A出口。原來有A1、A2出口。我估A2，上到地面。
上到地面就係寶華路。
A2出口係喺寶華路東側。四圍望一望，呢邊唔似，對面至似係灣區之眼喎。
費事過馬路，於是走返落去地鐵站，由A1出口上去。點知A1出口係冇電梯嘅！點解冇呢？後來至見到直出"灣區之眼"嘅地鐵出口未開放。
咁細嘅入口，上落都冇電梯。睇黎都唔會預好多人用呢個入口。
周圍都係新嘅商業大廈。深圳向西擴展，前海果然係現時深圳發展最快嘅地區。
地鐵站出口行埋去就係灣區之眼北區。
未入去已經有啲氣氛
北區入口。
門口有個打卡地圖。其實灣區之眼未發展完，只有北區的書城開放，可以一看。其他部份仍未完工，大部份單位仍在裝修中。
走進去就係書城。主要係人文、藝術嘅書
遊人不多，隨便打卡
打卡點之一
柱頂就係"智慧樹"。
建築物有好多弧線，打卡位多。
另一個打卡點"浪浪山"。美中不足的是背景太雜。
見到豬，才想起這幾個係西遊記四個主角。但為什麼"唐僧"是"青蛙"？
落北區B2層。
第三個打卡點：三體TBO亞洲艦隊。遊人雖少，但總有人在展品前打卡。等那個又跳又笑的大媽離開那一瞬間才拍到
地下有展館、有商鋪。
見有指示牌去"時光隧道"，原來要落B2層
"時光隧道"喺B2層，係南、北兩區之間的通道。南區似個地盤，不過都行過去望吓啦。
哦！有一個灣區民俗館。呢邊唔係書城
灣區民俗館裡面見有個"檢票口"，裡面有乜展覽呢？今日純粹黎打卡，唔會買飛入去睇。
行晒南、北區已經好攰。三點鐘走人。
唔想再搭5號線落赤灣。灣區之眼北區斜對面就係曾經係深圳最大嘅商場"前海壹方城"。橫過寶華路就係"前海HOP天地購物中心"，購物中心後面就係壹方城。好近。
望返灣區之眼北區
寶華路
海秀路/寶華路
過馬路，行埋去就係"前海HOP天地"。有"前海壹方城"喺隔離，唔使入去呢個場咯
HOP天地隔離就係壹方城
入壹方城搭地鐵返羅湖
唔想再行，就喺壹方城搭1號線地鐵離開寶安。行到好攰，喺前海灣轉11號線，可以快小小。諗住喺崗廈北轉返2號線去蓮塘，或者直落福田。
去到南山，突然諗到可以喺后海轉13號線落深圳灣喎。於是就喺后海轉13號線。
三點八去到深圳灣口岸站。
行埋去口岸。
三點十就過左關出去搭巴士。
四點二返到屯門。
