2023蓮花山簕杜鵑花展(2)

今日又上深圳睇簕杜鵑花展。上次睇漏毓秀園，今日上去睇埋佢。今個禮拜好多節目。聽日又上去行鹽田坳，禮拜四要休息，準備禮拜五行七娘山。如果今日唔上，今個禮拜就冇得上。個花展十九號就完。睇唔到嘞。

今日先去深圳之眼西區搵食。

去到十一點鐘。

呢間黔派都啱食嘅，就行入去。

今次叫米粉，加左隻卥蛋。清湯唔辣，但有胡椒味。

食飽就行去卓悅中心，過去崗廈搭10號線去冬瓜嶺。

去到冬瓜嶺站，去深業上城，行過去蓮花山公園

望返轉頭

行落去公園。

今日行左上去樹林嘅石屎路。呢條叫綠榕路。

一路沿住條路行。好似個方向都係去金桂路。

直到行斜路上到頂，發覺有啲唔似金桂路。想行返轉頭，見有條路叫「旗嶺徑」。上兩次上去小平像平台都經過呢條徑。咁行呢條徑過返去都得喎。於是就行上去旗嶺徑。

上左一個峰。有個平台。

又反彈上另一個峰。知道老襯嘞。上咁多石級。早知走返落去行金桂路

過左三個峰，反彈三次，先至見到車路。

車路就係金桂路。

落返去呢個路口。轉左落去睇花展。

經過「城市營地」。

營地門口嗰棵簕杜鵑

行落去精品展場入口。進入好似過安檢一樣

先影近鏡、特寫。

之後走上去放滿簕杜鵑盆栽的台階。

睇完落去咖啡節場地。

今天蓮花山公園遊人如鯽。來過很多次未曾見過

沒聽到有歌聲。今日沒有演唱了

睇完花展，行過去市民中心。那邊有書展。

落去書城打書釘。

四點鐘搭地鐵去口岸返港

五點零八分過左關。落到去巴士總站一睇。嘩！B8已經排長龍。睇落要等廿分鐘，排到上左車都冇位坐。走人。B7仲犀利，我睇兩架巴士都載唔晒。成個站都唔見有車。於是走去搭小巴。小巴真係幾密，排左三架車就上到。去到上水都係五點半左右。