深圳遊記: 園嶺漫遊

今日行完去大埔，就喺廣福邨對面搭B8上蓮塘。廣福有加班車，今朝十點三去到就有車等客。坐上層，大把位。不過香園圍口岸好多人。出境每個閘口都排左超過十個人。大概年尾好多人上去辦年貨。

十一點四過左關。其實都算快。去笋崗萬象食家食飯。遲左就冇位嘞。

最快都係坐地鐵。走落去搭2號線去黃貝嶺，再轉5號線去太安。

然後再轉7號線去笋崗。去到笋崗十二點。

竟然冇空枱。行過去湘奶奶睇吓，都冇乜位。行返轉頭，居然有人起身，有位。即坐低。叫嘢食。

食完就搭地鐵去八卦嶺嗰間沃爾瑪。於是出去搭7號線去紅嶺北站。行出站就係紅嶺北路。

行到去桃園路口就係沃爾瑪。入去行左個圈。

去完沃爾瑪冇乜地方想去。於是沿紅嶺北路一路行落去

轉入去八卦一路，睇吓條食街。其實係想搵下嗰間好老字號嘅潮州酒家。

見到嘞，就係呢間豪林居

行到八卦路就回頭。冇心機再行。

於是行返轉頭去，沿八卦一路行返出去紅嶺北路

繼續行，橫過笋崗東路。笋崗東路分開八卦嶺同園嶺小區。過左笋崗東路，就係小園嶺社區。

行到園嶺八街，轉入去睇吓。睇過"園嶺敍事"呢本書。園嶺係最早期嘅高級幹部住宅區，入去睇吓都好。

"紅荔路以北，與通新嶺社區幾乎南北對稱的，就是園嶺新村社區。園嶺新村社區，南起紅荔路，北到笋崗路，東西與通新嶺社區齊平，分別是紅嶺路和上步路。面積與通新嶺社區相彷彿，略略小一些。園嶺村是深圳最早最大的公務員福利房社區，7層左右的多層住宅共112棟，全部是參照當時國際標準統一規劃。園嶺新村一樓的連廊架構設計，非常新潮，成為當時深圳一景。後來，還陸續建設了5棟31層的園中花園，3棟32層的園東花園，以及圓龍園、圓亨閣、28層高的利貞閣。放眼望去，園嶺新村社區，幾乎全是清一色新式住宅。這裡的居民，大多是深圳早期的拓荒牛：轉業的基建工程兵及其家屬，深圳電視台、深圳特區報等文化事業單位的幹部職工，深圳醫療、教育系統的醫生、老師、專業人士等等。"

果然好幽靜。

行到去縱向嘅園嶺東路。睇吓地圖，有間"春滿人間"嘅酒家。喺呢個住宅區裡面，酒樓應該唔錯。去睇吓先。

轉右入左園嶺東路

去到園嶺五街就轉左行入去。

一路行到園嶺中路。

間酒家就喺園嶺中路同園嶺五街交界。果然似有點歷史

轉左入去園嶺中路。一路行到園嶺四街，轉右。

行出去上步路

去到上步路，走出左園嶺新村社區。想搵個"深圳人的一天"雕塑公園。睇地圖，原來在紅荔路。

於是轉左沿上步路落去紅荔路

呢度我來過。上年去荔枝公園睇梅花就係由福田行紅荔路過來嘅。

去到紅荔路轉左。對面就係通新嶺社區、荔枝公園。

行到園嶺三街，對面就係雕塑公園。其實這裡已經係紅嶺。

十七個雕像就在紅荔路臨街的一邊。

1998年，深圳國土規劃部門織了一批設計單位，決定將城市的14塊公共空間改造成街心花園。其中，就包括了園嶺新村南側6500多平方米的公共綠地。海歸的建築師楊建覺博士和時任深圳雕塑院院長孫振華來一個突破。"這一次，我們決定讓市民來告訴我們，他們想要什麼。"

最後，決定建一個小型紀念公園，用雕像來凝固這座城市各行各業各階層普通市民的歷史一刻。他們隨機選擇了一個日子，就是1999年11月29日。當日清晨六點，深圳晚報記者、攝影師和雕塑家經過組合，開始行動。為了隨機性、偶然性，他們走到街頭，不刻意挑人。這18個人選，都找最先遇到的那一個，如果不同意，才找下一個。大家共找了三十個合適人選，有16位市民當場表示願意成為模特。原本答應參與的男巡警和女教師因家人反對退出，於是找了一個外國人替補，因此只有十七尊銅雕。

為求逼真，塑像以翻模制作，在美容院鑄模。采用美容院制作面膜的技法，用藥用石膏，減少對皮膚造成傷害。

除了雕像，公園還有1999年11月29日當天的一些資料。

逐個影，每個至少影兩張全身，一張面部特寫。