腳傷左，要休息。今日上深圳行吓。上去都係想去行吓書城，今日先去蛇口。
有好多選擇，可以先去羅湖書城，食完飯至去蛇口。又可以即入蛇口，喺海岸城食飯，然後去南山書城。又可以去搭9號線入去，喺后海食飯。後來諗吓蛇口花園城都有好多食肆，最差都有間茗星坊。桃園站可以轉12號線就到四海。時間早，就去搭1號線，坐十幾個站都唔怕。好過去后海。十一點四去到桃園站轉車。都坐左好耐。
十一點半去到四海。上去花園城中心。
上去二樓
一路搭電梯上去。上到去，行個圈，唔啱食。行返落去，再睇大眾點評。
行行吓，有一間粿條世家。入去。坐低。開手機點菜。
食完即落樓
去搭地鐵走人。
去邊呢？咁早。上次行左大運天地嘅南、中區，差北區未去。今日不如就去大運。行多次大運，唔好去書城嘞。買左書都唔會睇。去完大運天地，仲可以去東縱紀念館。點去呢？由西去東，真係好遠。首先一定要去四海搭12號線走人，冇另一條線。睇地圖，要去南山轉11號快線出崗廈北，然後再搭十幾個站去大運，再轉16號線去大運天地。十二點半後搭地鐵，一點八分至出到崗廈北轉14號線。
唔夠人爭，要企到去"大運"。一點八至去到。即係企左成半個鐘。其實都算快，由市中心去到坪山都係半個鐘。
轉16號線。搭1個站去大運中心。五分鐘就去到。
C出口就係去大運天地。
要行晒三個區。上去就喺南區行個圈。
跟住去中區。中區其實係一個長形嘅商場，夾喺兩個大場館中間。
行中區地面嗰層。上層好曬。
中區外面其實都幾靚。外面係黃閣路，對面應該係"綠景大公館"、"利聯星龍園"
中區夾在兩個體育館中間。南邊這個是"大運中心體育場"
夏天真係唔使黎。露天商場太熱嘞。
搭扶手電梯上去地面層。
旁邊就係大運體育場。
中區、北區之間有個廣場，廣場中間有呢棵樹。上次以為係藍花楹。今次睇真啲。係假花。
假樹四週係親子場地
呢邊又有一個玻璃蓋的體育場館。呢個叫"大運中心體育館"。應該係室內場地。
北區嘅焦點係呢個人工湖。
望過去應該係"世茂深港國際中心"
環湖一週
北區湖邊有食肆。
旁邊係"大運中心體育館"
對岸樹叢背後係"游泳館"
轉到北岸。望向南區，建築物上有香港中文大學的校徽。其實香港中文大學(深圳)校區就喺大運中心體育場旁邊，所以大運天地內見有年輕人，大概都係大學生吧？
北區食肆。右邊"大運中心體育館"。
望返轉頭。睇到兩個外觀差不多的設施。左邊體育館，右面較大係體育場(有看台、中間露天的球場)。
西北岸就喺"青春路"旁邊。
樹後面係游泳館
北岸係湖濱步道，冇食肆。
又返到中區
今日"行大運"
地鐵C出口就在南區和中區之間。
兩點半鐘走人。遠道而來，順便去東縱紀念館睇睇。睇過百度，喺東縱紀念館附近有E17返蓮塘、羅湖，唔使捱地鐵。由大運天地搭地鐵去"東縱紀念館站"，可以搭16號線，不用轉線，但有十七個站，幾乎由頭坐到尾。想搭少幾個站，可以搭16號線返"大運"，轉14號線去"坪山圍"，然後又轉返16號線搭兩個站就到。第二條路可以"行兩次大運"，但要轉兩次車。落到地鐵月台，去"大運"方向嘅列車剛離站，去"田心"嘅列車又啱啱到站。那就搭17個站吧。搭左40分鐘，三點十分去到"東縱紀念館站"。
睇地圖，D出口最近。出口就係石灰陂路同東縱路交界。
未去紀念館先去買支水。喺自助售賣機買左一支"娃哈哈純淨水"@¥2.00。
又睇地圖，行入去石灰陂路"
路口係東縱路。
行入去村裡，呢度轉左行過去。
穿過條巷咁窄嘅石灰陂路
行出去就係一個廣場
廣場有個大水池。外面就係東縱路！咁使乜行入去"石灰陂路"呢？行東縱路過黎咪得囉
呢間就係東江縱隊司令員"曾生"嘅故居
故居大門。
大門打開。冇任何指示、開放時間。咁就行入去睇吓。
四處無人。
行入大門，又有一個庭院
咁嘅環境，都冇乜嘢睇咯。
出返去廣場
紀念館大閘關上。省起好多場館都係星期一閉館。
咁再打多幾張卡先
坪山係客家人地方。曾生當然係客家人。門前這個半月形風水池都係客家人特色吧？
冇得參觀紀念館，就出返去東縱路。轉右去"坪山人民醫院"巴士站
行一百五十米就到巴士站
果然好快就到
等一陣，E17巴士到。上車返蓮塘口岸商業城飲下午茶。
E17由東縱路轉落去坪山大道，去到錦龍轉落去錦龍大道，直出"鹽坪通道"嘅馬巒山隧道出鹽田，落天橋就到羅沙路蓮塘。
出隧道第二個站落車。
40分鐘就到蓮塘口岸。
沒有留言:
發佈留言