蓮塘口岸-羅湖書城-龍華壹方天地-上梅林卓悅匯-蓮塘口岸

星期四又上去深圳閒逛。十點幾過關，等一陣就要去食飯。

仲係早，上去新華書店行個圈

十一點就食飯。埋單74人仔。

食飽行返出去搭地鐵去龍華行壹方天地。

搭2號線去市民中心轉4號線去龍華。過左上梅林，睇到除左地鐵站附近有商場外，真係好「鄉下」

去到龍華站，A出口出站。記得要前行小小轉個彎入龍華人民路直行。今日出站落返地面，行左反方向去左D出口嗰邊，感覺有啲唔妥。一路沿龍華和平路西行。轉個彎入左景龍中環路。呢個時候睇地圖就知行錯方向。

一路沿住景龍中環路行。冇所謂啦，前面條街轉返左一樣啫。仲可以睇吓龍華區係點嘅。

真係好似回到十幾廿年大陸噉樣。

終於行到有交通燈嘅街口，轉左去返壹方天地嗰邊。呢條街係「景龍建設路」

前面見啲住宅大樓有啲似前海嘅壹方城。應該冇行錯。嗰度就係壹方天地。

行完龍華嘅街道，已經對呢個場冇乜期望。黎到就入去行吓，本來想走人。

記住個A區入口。一陣要出返呢度。

行入去冇乜驚喜

好多地方都係露天。夏天會好熱。

有啲靜。最差係A區去B區中間有個特賣攤檔。

過左去B區，一路行去C區。

喺B區望去A區。中間有條天橋。天橋上就係特賣場。

返過去A區，預備走人。

由A區入口嗰度門出去。以為轉右就係行返去龍華站。原來又記錯左。

一路行，以為返去龍華站。其實係行緊景龍建設路。

望返轉頭。

行左一陣都唔見地鐵條橋嘅？應該會見到條架空鐵路橋喎。於是睇吓地圖，原來又行錯方向。唯有又返轉頭。

去返壹方天地A區入口出面嘅十字路口，即係景龍建設路同龍華人民路交界。

沿龍華人民路北行。

果然見到條架空鐵路橋。

轉返入去龍華和平路

搭地鐵走人。以後都未必會來。太「鄉下」。

搭4號綫去上梅林，行吓卓悅匯。

查過地圖，由L出口出去就係商場。

行出站，入商場。有小小失望。好似唔係一級商場噉。有啲暗。

原來係負二層。都見有啲食肆。

行到尾有個food court噉。

上次轉車都見有「連城新天地」。又去睇吓。原來呢個「連城新天地」好細，幾乎只係一個food court 噉大。

搵笨。行返去卓悅匯。原來地面商場靚好多。

一路上到差唔多頂層。

落返去L1

搵到Starbucks 

去飲杯咖啡。開微信小程序落單。

兩點幾三點，返去蓮塘都差唔多嘞。跟指示牌去地鐵站。原來K出口旁邊就係4號線。

返蓮塘口岸。