蓮塘口岸-凌雲道-小梧桐-鳳凰臺-杜鵑谷-登雲道-蓮塘

上個禮拜四上左小梧桐。見冇乜杜鵑花開，就取消禮拜一行程。尋日飲茶又提起。我話我會自己上去睇杜鵑花展。我上佢地又上。就出個行程。

去到粉嶺，去B7排隊。一齊過關後搭地鐵去梧桐山南站。

十點卅四分開始上凌雲道。

我話大約四十五分鐘就行到頂。快腳應該四十分鐘就得。

今日行左約四十三、四分鐘到頂。快腳話等左都有五至十分鐘，噉即係卅五至四十分鐘就行完。

等齊人就行。到小梧桐管理站個廣場，見花就係噉影。跟住至行去鳳凰臺睇花展。

嗰度啲杜鵑係雙托，香港嘅公園少見。上到去，影幾張相啦。上星期已經睇過

跟住行返去小梧桐。喺管理站前，就轉落「尋芳徑」落杜鵑谷(谷裡面嘅地圖寫「尋香徑」)。

今日在杜鵑谷嘅路線

落左一半，我話唔好落噉低住，轉左行「漫花徑」

行漫花徑去到上星期我經過嘅十字路，轉右落拾芳徑。

喺拾芳徑落到十字路口，轉右去返尋芳徑方向，然後到路口轉返左，行花溪徑。

果然花溪徑旁邊有條溪。

過溪

沿花溪徑行返到拾芳徑嘅路口，轉右上去金鐘徑。

叫得「金鐘徑」，呢條徑應該有吊鐘花。沿金鐘徑行，上返石級，之後接返花溪徑。

之後就係上次行過嘅路，出返第三個杜鵑谷出口。

行返條臨時車路，落到呢間屋。今次唔轉上去追月徑嘞。

原來呢度有條路落去「望桐新路」。記得望桐路係M445行去梧桐山北門嘅路。方向唔啱，今日要落蓮塘食飯。

於是行左手邊條橫路。今次好快就出到追月亭下嘅登雲道。

今日落蓮塘。

落到底兩點鐘。

出到畔山路，我話不如喺呢間食飯啦。

間食肆都冇客。入到去，好熱，叫佢開冷氣。叫左酸菜炒豬大腸、一隻葱油雞、煎墨魚餅、蒸米粉、蒸墨魚汁薯粉、茶菇炒豬肉、薑汁炒芥蘭、客家煎釀三寶。

埋單四百六十人仔，每人六十！畀晒我啲廿蚊、十蚊、五蚊紙。

跟住我話我會去食腸粉。點知全部都收晒檔。兩點後冇得食。

一齊行去蓮塘站。走人。

一齊搭地鐵去蓮塘口岸。