甘坑-深業上城

尋日行山講開甘坑，我話聽日可以上去。聽者當然有份。約左十點鐘喺落馬洲站大堂集合。九點半去到落馬洲。

十點到齊，過關。

過去福田口岸。

我以為10號線個入口喺對面馬路。原來唔係。

又要過返天橋。原來10號線個C出口喺福田口岸出黎轉左。

坐十幾個站去甘坑。

B出口

出左站，沿金李路向北行。

鄉下地方，冇瓦遮頭。

慢慢行。十二分鐘就見城門。

先打卡。

古舊嘅屋後面有新屋。

都知道甘坑古鎮夜晚來先至靚。日間來，只可以欣賞古村遺留下來的磚瓦

打卡

新舊建築夾雜，要用點心思取景

破舊屋舍已稍作粉飾，保留傳統風貌。但看佈置，都知道是以夜間燈影作賣點。不過古村被華僑城經營，佈置都落過一番心思。

走出大街。

沿大街深入村裡

隨影

見山坡上有像土樓的建築

看得見，但還未找到路

最後在山坡下找到鐵梯

只開放一層供遊人參觀

室內有幾間展「房」

這間土樓依山坡而建，大概是半圓形。外觀似客家土樓，其實遠較福建土樓小。

從鐵梯走下來。

十二點半鐘搵地方食飯。大家未來過，去邊間呢？古鎮外見有一間客家食店。在大街上接過一張「鳳凰客家餐廳」嘅傳單。大家未來過，唔知邊間好，就呢間啦。

上樓。

上「大眾點評」睇睇有何優惠

可以用¥90元買¥100元券。有時段限制，酒水、海鮮、茶巾、飲品之類不可計算在內，但¥100券無數量限制。掃碼點左餐。大約¥660.X。問過侍應，可以用¥100券。看到可以退款，就買6張¥100券。

干乾牛河

客家撈雞

埋單時，侍應小哥話有一碟唔知計唔計，就同我落去收銀處問。原來只可用5張¥100券，再加¥162，即係¥662，因為茶水不計。即時退款¥90落去中銀卡。實付¥450+¥162=¥612，每位¥51。

食完返出大街。

準備撤退。

行返出去甘李路

10號線經過冬瓜嶺站，預左去深業上城行一陣，順便去迪卡儂。搭返地鐵去冬瓜嶺站。A出口出站，行彩田路去深業上城。呢條路我行過。

又係公交站旁邊條通道入去。

行入去就係迪卡儂。

口渴，想飲杯嘢。深業上城梗有奈雪的茶啦。就喺地庫。我去隔離Starbucks買杯咖啡。

在奈雪坐到四點幾。都噉晏，當然邊度都唔使去。今晚就上去金鴨季食飯。上網睇吓金鴨季個小程序。原來開五點半。噉又要HEA多半個鐘。

五點鐘離開奈雪。

上頂層呢個打卡地點。開始入夜，涼風吹來，好舒服。

五點半入座。上大眾點評睇睇。有個六人餐¥876賣¥738。但我地有七個人，而且唔啱口味。另外又有¥50券賣¥47.5。我見得九五折，費事煩。侍應話烤鴨要等到六點鐘才燒好。我地落完單啱啱六點。

我話我冇用大眾點評啲優惠。問侍應有冇網上嘅優惠

經理話當係你買左嗰啲大眾點評嘅券減畀你啦。結果埋單¥880.6，每人¥125。滿心歡喜，原來只慳左¥28，即係每人慳左¥4！

食飽就落返去一層，出去彩田路搭地鐵。

原本最快係出福田口岸，但我見10號線經過崗廈北，我話我去搭2號線過蓮塘。

順便參觀崗廈北站。

打完卡，搭2號線去蓮塘口岸。八點幾過關回港。