蓮塘口岸-土洋-鯊魚涌沙灘-鯊魚涌-葵涌

尋日突然間想上深圳鯊魚涌、土洋行吓。八點九就到蓮塘口岸

行去廣嶺巴士站搭E26。三分鐘都唔使就有車到。

落左高速到溪涌，又上返去，再落高速第二個站就到"東縱司令部舊址"站。九點十就到。過馬路行入土洋村。

一落車已經感受到係去左鄉下地方。

村口就有呢啲指示

公安局外牆嘅展示

一路行入去都感覺係鄉下地方，食肆未開/抑或唔開？想食吓啲小食當早餐都冇。不過路邊見有大巴停泊等候處。可知好多機構會去舊址參觀、學習、團建。跟地圖一路行到呢個屋苑入口

入口前轉左。有指示牌

兜左個圈。其實由"美宜佳"對面轉左入去巷仔較近。

不過都可以睇吓土洋村

喺村裡面轉來轉去。

行過龍，擰轉頭至見呢個牌。到嘞！

行石級上去

果然星期一休館！冇法，就伸隻手入鐵閘影兩張相就算。

司令部舊址其實係一間天主教教堂，有三間建築：主樓、禮拜堂和附屬用房。

走人。落返石級。今次轉左，行出條巷仔已經見到美宜佳。

行返出去村口，過馬路。

轉左去沙葵路。諗住行去鯊魚涌。問過村民，佢話好近。點知條路封左。

行入沙葵路

過公路橋底

直行係碼頭，只可以轉左行入一條泥路。

一路行入去。問過土洋村嘅人，佢話好快到。鯊魚涌算係景點。點解條通道咁肉酸呢？經過一間海鮮酒家，再沿路直入，見右邊係地盤已打定輸數。果然條路封左！

咁點算呢？路人話封左呀！好似話行返去搭巴士啦，搭一個站，行三公里就到。我睇吓條路，一個站真係好長，而且未必行到。死死氣行返去巴士站，要等半個鐘，搭E26等三分鐘，但要畀¥7.50喎。最後決定打車。

終於可以離開土洋。土洋真係"土"，好濃鄉土味，外面係地盤，四處係泥"土"，真係沙塵滾滾。若果唔想睇個東縱司令部舊址，真係唔使去。

打車點左落車地點係鯊魚涌海灘，所以架車行去坪葵路落官湖路。本來我諗住行入去鯊魚涌，行官湖條路出黎搭巴士去葵涌。今次可以睇清楚官湖條路。原來都幾長。

喺官湖路盡頭落車。旁邊係"軍事管理區"嘅通道入口。行落去就係海灘。

路尾就係一個公園入口。

行出去就係海灘。而家冬季。冇人游水，所以免費入場。

另一個落沙灘嘅入口。夏天應該係收費入口。睇過成人要¥20.00。

官湖嗰邊有幾間屋。

睇完沙灘，上返去後面個公園。

行過去鯊魚涌嗰邊。

可能趁冬天冇客，維修吓啲設施

沙灘另一邊有路去鯊魚涌。過左閘口行過去。

睇到沙葵路出面個地盤，所以唔可以喺對岸行過黎鯊魚涌村

呢個涌口其實係葵涌河嘅出口，有啲隱蔽，唔怪得係游擊隊嘅基地

呢個旅遊區又係人都冇個。冬天真係冇乜人黎

行出去海邊。對面山坡係條公路，公路下面有一條步道。感覺唔好。

點樣整都畀條公路破壞晒。

鯊魚涌村入口係個廣場

行上對岸條步道。喺對岸望返去鯊魚涌村，將來執返好啲屋就應該感覺好啲

十二點鐘行返去廣場入口。用大眾點評搵葵涌嘅食肆。有間評級四星半嘅，叫"益品飯店"。就撳"打車"。幾分鐘後車到。車費¥13.00

今次唔使兜去官湖，直出坪葵路，好快就到葵政西路呢間飯店。

行出去坪葵路，過馬路轉左就係巴士站

呢個叫葵涌郵局站。有巴士去龍崗、坪山。搭M220去大萬世居。

等廿分鐘車到。

半個鐘到坪山大萬世居

行去前面兜入去大萬世居

一望就知今日休息。

唯有行返出去。

去坪環搭地鐵。

今次穿過村路去東縱路

滙合Y240

兩點十去到坪環站。落去搭16號線地鐵去雙龍。出地鐵站去天虹商場麥記

叫左一杯鮮淬咖啡，大杯嘅，再加一個中薯條。食完走人。

行天橋過去雙龍地鐵站

四點八搭3號線落田貝轉7號線去笋崗。

五點半至去到笋崗，由萬象食家行出去梅園路。

行上去二樓。

上三樓

行到六點半返去萬象食家。

落去負一層食街。八點至搭地鐵返蓮塘口岸。