前個禮拜上今日頭條，彈出抖音一條片，介紹深圳一家農家菜館，叫
來福農家院子。於是就拉隊上去：
10點30分 深圳灣口岸(內地口岸出口)集合
13號線->后海->11號線->機場北->20號線->國展南->重慶路步行10-15分鐘
->福園一路
最後拉左10個去
去到深圳灣口岸，過左關。行去搭13號線地鐵。去到后海就轉11號去機場北轉20號線。20號線好疏車。等成十幾廿分鐘。仲以為冇車添。查左係A出口出站。落車嗰陣，有個職員見我地生面口，四圍望，問我地去邊。
呢間農家菜館離地鐵站不算太遠，我地又唔打慣車。查過地圖，由國展南行重慶路過去福園一路有兩個街口，約七百米。由橋頭西站C出口行去，有三個街口。咁就去國展南。由A出口出站，直行重慶路過去。
四圍全是工業園。工廠區都好乾淨企理。不過就曬啲。
去到福園一路轉左，跟指示牌行五十米。路口有間酒家叫"福滿樓"。唔知係咪"來福農家菜"嘅另一品牌。都係跟指示去"來福"
到巷口轉右行入去。
指示好清晰。同"大眾點評"影嘅相一樣。
右邊同前面都係來福菜館嘅。旁邊有一排爐。前面嗰排爐煲緊冬瓜盅。
坐低。影左張菜單。
主打瓦缸焗雞飯。話要等五十分鐘。叫嗰陣問我地要公雞抑或母雞。我地要公雞。飯沾滿雞油、薑葱。好香好好食。可惜飯太少。十一個人真係得一碗仔。
畀你睇左隻雞，然後拎去斬。
飯焦就未脆。
荔枝柴燒鵝一隻。皮好脆。當然啦，剛燒出黎一定脆。鵝肉好唔好，我就唔識分，都唔柴，腍軟。有得食就好。
炒豬大腸。我冇興趣食嘅。
生菜包。有花生、蜆仔。包左一件。
河蝦。有人話好食。我唔鍾意食嘅。海蝦好食啲。
豬肚。我唔食嘅。
雞好滑。好食。
老鴨冬瓜盅。佢地話冬瓜好食。呢個唔係冬瓜，係似節瓜嘅白皮冬瓜
仲有河豚煲。湯較淡。一般。
呢間主要係清遠嘅新鮮食材，主打當然係雞、鴨、鵝、蔬菜類菜品。黎得呢類菜館，豬、海鮮之類嘅小菜都係交到貨，唔難食就好，冇乜要求。每人不用一百人仔。抵食。
堆滿冬瓜
20號線太疏車，於是行多一個街口，出重慶路轉左去橋頭西站。
行大約一公里，十五分鐘就到。
少黎寶安呢邊，佢地未去過灣區之眼。寶華站D出口出站。舊年十一月黎仲未開呢個出口。
好靜。新屎坑，半年未夠已經冇乜人黎
南區係一個書城。開張嗰陣仲有打卡點介紹，有浪浪山等展品。而家已經冇晒。
只係記得有一個景點未打咭。就係呢棵智慧樹。
行去南區。
只剩低呢個景點時光隧道
跟住去前海商業區。搭地鐵去桂灣。A出口行出去就係前海萬象。出中庭，上二樓個茶啡廊。咖啡檔冇乜人，茶檔出面就坐滿咁滯。去到奈雪。成日冇飲嘢。叫左杯Latte。驚傷胃，買左一盒蛋仔餅。
飲完都四點半。搭地鐵去蓮塘秋記食晚飯。去到六點左右。D出口出去就係。今次睇清楚至坐低。呢邊入口係徐記，中間至係秋記。我地八個人，趕走左兩個人，霸左一張大枱。
撈粉
板藍根苗。感覺似芥蘭。食左冇感冒？
八個人。每人¥58
食完去蓮塘口岸過關返香港。
沒有留言:
發佈留言