前日本來出左行程，去行梧桐山。兩手準備，上大梧桐就去橫崗搭930去西坑，再行綠道去登山口，亦可以行綠道去到西坑水庫嘅小坳。上左梧桐，諗住熱就落返好漢路去小梧桐，一係行爛車路落蓮塘，一係行未行過嘅路落麻水鳳，或者另一條落望桐新路，甚至行泰山澗都得。有澗水降溫。去邊度過關都要想一想。蓮塘過關，搭地鐵去黃貝嶺轉5號再轉3號去橫崗有14個站。上晝落雨下晝好天，就唔去橫崗可以搭M445去北門掉轉行。羅湖過關去橫崗就遠小小，搭巴士去梧桐山北門，要行去建設路總站，而且梧桐山總站都遠小小。於是就定左八點半喺粉嶺集合，過蓮塘。
今早六點起床，睇一睇天文台嘅雷達圖。唔樂觀。有厚雨雲喺珠江口西北，向東南移過黎。應該會經過梧桐山北面。考慮一會，決定取消行程。點知八點未夠，有訊息話有人出左門。我話我出來，但唔行㗎，食吓嘢咋。
九點鐘，落去搭B7。今日好少人。好順利過左關。搭地鐵去搵地方飲茶先。就近近哋，去黃貝嶺禧粵酒家。地鐵站A出口出站，對面就係M445巴士站台，飲完仲可以去梧桐山村行吓。
由深南東路上去鳳凰路，轉入靖軒廣場，上二樓。
伙記話十一點前埋單有折。於是拿拿聲叫嘢食，即畀錢。每人科水¥45。飲完茶，行返出去深南東路。天氣好轉，我又想去睇吓梧桐山村，就過去對面搭M445去梧桐山市場。
M445巴士總站就喺深南東路黃貝嶺地鐵站D出口外面，站台1係最尾嗰一個。
上車。深圳通八折，¥2收¥1.6。一路去到望桐路同橫排嶺路交界嘅梧桐山市場站落車。
景物冇變。呢間金得利麵飽鋪仍在。喺隔離嗰間士多買左支百歲山¥3。
睇吓天文台嘅雷達圖，有舊厚雲喺珠江口西面，離香港都有二百公里，雖然向東移動，但估計都要兩三個鐘至到珠江口，有時間上去小梧桐。於是沿望桐路直入。
見到牌坊。
經過牌坊，打張卡就算。唔打算由車路上。
於是行去望桐新路。轉左走到盡頭。就喺閘口有兩個後生仔問喺咪呢度上梧桐山？我仲想要問佢，佢竟然問我地！我話係。就行入去。跟住上山，佢地見個閘閂左，有啲猶豫。
我叫佢地跟住黎。
行左入林，再走幾步，佢地就坐喺地上面，唔知做乜唔行住。啱啱至起步咋喎
問清楚佢地係咪上梧桐山，佢地話係。大概係想上大梧桐，唔係小梧桐吧？我地唔理佢兩個，上山！條路好濶好清晰。
行入幾步，發覺好多好多蚊。一入去已經被蚊釘左幾吓，拍死一兩隻。地面乾爽，我著住對平底涼鞋都仲行得。
條路就係噉。沿路影到上頂，做個紀錄。
有幾段長啲嘅斜坡
三百米左右，有稍平嘅一段。
又上
左邊呢個谷應該係「麻水凤」，屬「鳳谷鳴琴」景區。
要落一個坳
落前面嘅一個坳，反彈上去對面再轉右沿脊繼續上。
山坳
再向上走。
左邊山脊背面是梧桐山北路所在，再遠的山脊上是百年古道。
向前望，又要走下一個小坳。
後望梧桐山村，外面是東部過境高速
右邊的山脊，有路落仙湖和望桐新路。
又上斜坡
這條路的斜坡不算太長。上一段，又有稍緩一段可以回氣。
到這塊石，便走完那幾段斜坡了。這裡大約到四百米左右。
又上一段較長的斜坡
前望一個尖峰。尖峰上有鐵塔。Openstreet Map地圖標註為「犁頭尖」，高約五百五十米。不過這地圖的地形數據不太準確，不可盡信。國內的地圖有「坭頭尖」，但不在這條脊上。
無論如何，過了前面那個尖峰，再走不遠便到登雲道追月亭。從山腳到這裡走了約五十分鐘。
再向前行，未到尖峰前山坡，到一個分叉路口。這裡與西面另一條路匯合。那條路經瀝婆嘴落望桐新路或去仙湖。
我們在北門旁邊上來，約2.8公里，預計需兩小時，我們只花不到一半的時間。
OpenStreet Map把前面那個尖峰標註為「犁頭尖」，大概是根據這個指示牌吧？
開始上尖峰。
平路。以為到了。
原來還有一小段斜坡。山頂有鐵塔，當然未到頂。
到鐵塔了。
在鐵塔稍歇，打卡後便隨即離開。始終天氣不穩，萬一有雷電，站在鐵塔下便大鑊。
另一邊有粗繩。回到文明的地方了。
有石板。這段路似是為供電給鐵塔而建的路徑
又經過一兩個山坳。
幾處供休憩的地點。
梯級前，左邊有小徑落「麻水鳳」。
走最後這段石級真累
又一個山坳
還有一段更長的石級
走完再上一小段，便到出口
出口是一條車路的盡頭。車路上通梧桐山管理站廣場棲鳳亭旁，對面是上追月亭的梯級。一點十一分上山，兩點卅一分到這裡。
從尖峰前的分叉路口到這裡屬深圳遠足徑其中一段
轉左沿車路(即深圳遠足徑)上行，可到小梧桐杜鵑谷、梧桐山北路。車路右邊有梯級上登雲道口的追月亭。
廢棄索道站
天氣不佳，又不想落梧桐山北路出北門，於是轉右去登雲道。
很長的登雲道。經過兩個落仙湖的路口
到仙桐路盡頭的公共廁所。
不落蓮塘，轉左行仙桐路出梧桐山南站。今日沒有準備行山，毛巾也沒有。走上山已全身被汗濕透，所以要慢慢行，走完這條仙桐路，希望T恤的汗水會乾吧
接入梧桐山南路
時間尚早，搭地鐵去海山吹吹風。
去到海山站，由深鹽路東面南側出站。出去就係壹海道。
穿過壹海道，橫過海景二路
出去鹽田中央公園
上去燈塔圖書館打卡
成班人包括幾個港客走上，揸住相機四圍影。嘈住人地睇書，自己都覺得唔好意思。
都係唔好騷擾人地睇書。走人。
行出去海濱
沙頭角河口。
轉返入去海景二路
過馬路，轉左行金融路
未到沙深路，就轉入去金融一巷。
呢個時候已經開始落雨。HEA到呢度已經五點鐘
前面已經係沙鹽路。
到沙鹽路轉左。
路口對面就係沙頭角口岸。我地以前過過一次。
都晏咯，有排至行返去地鐵站，就喺呢度搵地方食飯先。落緊雨，又唔知去邊度搵食，當然搵唔到乜嘢地方食嘢。
上酒家門口睇吓。唔啱食。
於是過馬路去「余百年」
行入去，有啲失望。係一間燒味茶記。不過係新開張，外面好多人買外賣。
又係用手機點餐。鵝髀并叉燒飯，加烏雞花旗參湯 (¥13) ，共¥65
食完冒住雨行沙深路去沙頭角站。
原來仲有其他酒家！仲諗住食好啲，但竟然搵間燒味茶記食飯。呢間南澳我地幾年前來過
來到沙頭角站B入口
搭地鐵返去蓮塘口岸。
去到口岸商場，又巡下。去一間餅店，買左一包花生糖(¥10)、一包蟹黃芋頭條(¥22)。睇真個包裝袋，產地竟然係陸豐市博美。噉即係唔係佢嘅新鮮出品？
買完就過關。
返黎冇乜人，有位坐。九點幾返到屋企。
沒有留言:
發佈留言